Saytın xəritəsi
Əlaqə
Arxiv
English
version
Русская
версия






Sənaye xəbərləri

13.09.2013 14:16

Mikayıl Cabbarov: Təhsil Nazirliyi bütün 11-ci sinif məzunlarına attestat verilməsinin tərəfdarıdır

Təhsil Nazirliyi tam orta təhsil səviyyəsini bitirən bütün məzunlara attestat verilməsinin tərəfdarıdır. Trend-in məlumatına görə, bunu "Heydər Əliyev-90" mövzusunda yazılmış inşa yazı müsabiqəsinin qaliblərinin mükafatlandırılması mərasimində cıxışı zamanı təhsil naziri Mikayıl Cabbarov deyib.

Onun sözlərinə görə, hazırda qüvvədə olan qaydalara əsasən, XI sinfi bitirən və hər hansı fəndən illik qiyməti "2" olan şagirdlər buraxılış imtahanlarına buraxılmırlar.

Eyni zamanda, imtahana buraxılan şagirdlər hər hansı imtahandan "2" aldığı təqdirdə onların yekun attestasiyası aparılmır. Nəticədə hər iki kateqoriyadan olan məzunlar attestat almaqdan, ali və orta ixtisas təhsili müəssisələrinə sənəd verməkdən məhrum olurlar.

Nazir statistik məlumatlara əsasən bildirib ki, Azərbaycanda 2009-2010-ci tədris ilində 11-ci sinif məzunlarının 22 faizi, 2010-2011-ci tədris ilində 24 faizi, 2011-2012 tədris ilində isə 10,5 faizi attestat almayıb.

"Heç kimə sirr deyil ki, belə şagirdlərə attestatların verilməməsi yerlərdə sui-istifadə hallarına geniş yol açan amillərə gətirib çıxarır. Attestat məzunun biliyinin göstəricisidir. "Təhsil haqqında" qanuna əsasən, attestatın verilməsi məsələsi yekun qiymətləndirmənin "qeyri-kafi" nəticələrilə bağlı olmadığını göstərir. Bu məsələnin böyük ictimai əhəmiyyət kəsb etdiyini nəzərə alaraq, nazirlik tam orta təhsil səviyyəsini bitirən bütün məzunlara attestat verilməsinin tərəfdarıdır", - Cabbarov əlavə edib.

bütün xəbərlər




BİZƏ QOŞULUN!
RƏSMİ DƏSTƏK
Baş xəbərlər
RƏSMİ SƏYAHƏT AGENTLİYİ
Premier Tour
KARYERA
SƏRGİSİ İLƏ BİRLİKDƏ
Career
RƏSMİ MEHMANXANALAR
Qafqazpoint


Hyatt Regency

VALYUTA MƏZƏNNƏSİ
  30/06/2022 01/07/2022
USD 1.7 1.7
EUR 1.8968 1.8931
GBP 2.1937 2.1934
RUR 0.0264 0.0263



EDUCATION Azerbaijan is Copyright © 2000-2022 Bütün hüquqlar qorunur. Hosted by VebTek